မေးလ်ထဲကို ပေးပို့ပြီးမေးတဲ့မေးခွန်းလေးတစ်ခုပါ။ အများဗဟုသုတရစေရန် ပြန်တင်ပေးလိုက်ပါတယ်...
မေး။ ။ "လီယိုဒေါက်တာရှင့်..ကင်းမီကောက်ကိုက်ရင်ဘာလုပ်ရမလဲ သိချင်ပါတယ်ရှင့်။ အလွယ်ဆုံးကုသနည်းကို သိချင်ပါတယ်ရှင့်။
အမြန်ဆုံးလေး စာပြန်ပါနော်။"
-------------------------
ဖြေ။ ။ ကင်းမြီးကောက် အဆိပ်ဆူးခံရရင်(သို့) မြန်မာအခေါ်အကိုက်ခံရရင်...(တကယ်ကတော့ ကင်းမြီးကောက်က မကိုက်ပါဘူး။ သူ့မှာရှိတဲ့ အဆိပ်ဆူးလေးနဲ့ထိုးတာပါ)
- စကိုက်ခံရပြီးပြီးချင်းဆိုရင်တော့
၁။ အကိုက်ခံရတဲ့ နေရာကို ဆပ်ပြာဖြင့် သေချာစွာဆေးကြောပေးရပါမယ်။ (အဆိပ်ရှိသတ္တဝါတော်တော်များများ အကိုက်ခံရရင် ဒီအတိုင်းလုပ်နိုင်ပါတယ်)
၂။ ရေခဲထုတ်လေးနဲ့ အကိုက်ခံရတဲ့ နေရာတဝိုက်ကို အုံပေးရပါမယ်။( ၁၀ မိနစ်ခန့်)
၃။ မေးခိုင်ကာကွယ်ဆေး ထိုးရပါမယ်။
၄။ တကယ်လို့ အောက်ပါလက္ခဏာထဲက တစ်ခုခုဖြစ်ခဲ့ရင်တော့ ဆေးရုံကိုအမြန်ဆုံးသွားရပါမယ်။
- ခြေ၊ လက်၊ မျက်နှာစသော နေရာများတွင် ထုံကျင်လာခြင်း။
- မျက်စိအမြင်အာရုံဝေဝါးလာခြင်း။
- ကြွက်တက်သကဲ့သို့ဖြစ်ခြင်း။
ဒါကတော့ ရုတ်တရက်လုပ်ဆောင်သင့်တာနဲ့ အကိုက်ခံရပြီးချိန်မှာသတိပြုသင့်တဲ့ ဟာတွေပါ။
တော်ရုံနဲ့တော့ ဘာမှမဖြစ်တတ်ကြပါဘူး။ ဖျားတာနာတာလောက်နဲ့ပဲ ပြီးပါတယ်။ အသက်ငယ်လွန်းတဲ့သူ၊ ဒါမှမဟုတ် အသက်ကြီးလွန်းတဲ့သူတွေမှာသာ စိုးရိမ်ရတာပါ။
တကယ်လို့ စိုးရိမ်စရာလက္ခဏာတစ်ခုခုရှိလာခဲ့ရင်တော့ ဆေးရုံကိုသာတန်းသွားလိုက်တာ အကောင်းဆုံးပါပဲ။ အိမ်မှာလဲမကုနိုင်သလို ဆေးခန်းလေးတွေမှာလည်း ကုသလို့မရပါဘူး။ ဘာဖြစ်လို့လဲဆိုတော့ မြွေဆိပ်ဖြေဆေးလိုမျိုးဖြေဆေးထိုးဖို့ လိုအပ်လို့ပါပဲ။
ကျန်းမာပျော်ရွှင်ပါစေ...
No comments:
Post a Comment