ဆေးလောက သံသရာ

ကျွန်တော် နားကိုက်နေလို့ပါဆရာ...

2000 B.C. - ရော့ .. ဟောဒီ သဘာဝ ဆေးမြစ်ကို စားလိုက်...

1000 A.D. - ဆေးမြစ်စားနေလို့ အကျိုးမရှိဘူး.. ဂါထာနဲ့ မန်းမှဖြစ်မယ်..ဟောဒီ ဂါထာကို ရွတ်...

1850 A.D. - ဂါထာမန်းလို့ ရောဂါမပျောက်ဘူး.. ဟောဒီ ဆေးရည်ကိုသောက်

1940 A.D. - ဆေးရည်ဆိုတာ ခါးတယ်.. အဝင်ဆိုးတယ်.. ဟောဒီမှာ ဆေးလုံး.. အသာမျိုချရုံပဲ...

1985 A.D. - ရိုးရိုးဆေးလုံးဆိုတာ သိပ်အကျိုးမရှိဘူး.. ရော့.. စနစ်တကျ စမ်းသပ်ဖော်စပ်ထားတဲ့ ပဋိဇီဝဆေး(Antibiotics) ကိုသောက်...

2000 A.D. - ပဋိဇီဝဆေး(Antibiotics)ဆိုတာ ဓါတုဗေဒပစ္စည်းတွေ .. မကောင်းဘူး.. ရော့ သဘာဝအရဖြစ်ထွန်းတဲ့ ဟောဒီ ဆေးမြစ်ကိုစား...

သုံးချိုးတစ်ချိုးခန့် ကုန်လွန်ခြင်း

တွေ့ဆုံကြုံရ လူ့ဘဝမှာ

အချစ်၊အမုန်း တူယှဉ်ထုံး၍

ခက်ခဲကျော်ဖြတ် ယခုထက်တိုင်

မယိုင်မနဲ့ ငါရပ်တည်ခဲ့.....

...လောဘ၊ ဒေါသ မောဟမကုန်

ဘဝလူ့ဘုံ ဒုက္ခစုံဝယ်

ကျင်လည်ဖြတ်သန်း ငါ့သက်တမ်းမှာ

တစ်-သုံးချိုးခန့် တိုင်ခဲ့ပြီတည်း...

(၂၈.၇.၂၀၁၁)

သေတော့မယ်...

ဒေါက်တာ ရွှေယုန် (ကျွန်တော်တို့ရဲ့ ဇာတ်လိုက်ကျော်ကြီး) ဟာ သူကုသနေတဲ့ လူနာတစ်ဦးရဲ့ ဆေးစစ်ချက်တွေကို ကြည့်ပြီးနောက် အခုလိုပြောတယ်..

"ခင်ဗျားရဲ့ ဆေးစစ်ချက်တွေ အရ အလွန်ဝမ်းနည်းစရာ ကောင်းတဲ့သတင်းကို ကျွန်တော် ပြောရလိမ့်မယ်..."

"ဘယ်လောက်များ ဆိုးဝါးတဲ့ သတင်းမျိုးပါလိမ့် ဆရာရယ်?"

"အင်း.. ခင်ဗျားဟာ မကြာခင်မှာ သေရတော့မယ်.. ခင်ဗျားအတွက် အချိန်သိပ်မကျန်တော့ဘူး..."

"ဗျာ!!!.... အင်းလေ.. ဖြစ်လာမှတော့လည်း ဘယ်တတ်နိုင်ပါ့မလဲ... လက်ကျန် အချိန်လေးမှာ ပျော်ပျော်ရွှင်ရွှင် နေသွားရတော့မှာပေါ့ ဆရာရယ်.. ကျွန်တော့အတွက် နေရမယ့် အချိန် ဘယ်လောက် ကျန်သေးလဲ ဆရာ? "

ဒေါက်တာ ရွှေယုန် ခဏစဉ်းစားတယ်.. အဲဒီနောက် လက်က နာရီကိုကြည့်တယ်.. တခါ ပြန်စဉ်းစားပြန်တယ်.. အဲဒီနောက် ပြောတယ်...

"ခင်ဗျားအတွက် အသက်ရှင်ဖို့ လက်ကျန်အချိန်က 'တစ်ဆယ်'...."

"..'တစ်ဆယ်'? .. ဘယ်လို တစ်ဆယ်လဲဆရာ.. ဆယ်နှစ်လား.? ဆယ်လလား? ဆယ်ပတ်လား? !!!"

"ကိုး..........

 ရှစ်..........!!"       :D  :D  :D

on 13.1.12 (6:00pm)

စိတ္တဇ

ငါ့ကိုယ်ငါ မသိလို့ "ငါဟာ ဘာလဲ?" လို့

ငါ့ဘာသာငါ သေချာစဉ်းစားကြည့်တော့

ငါဟာ ငါမဟုတ်မှန်းသိလာတယ်...

ငါဟာငါ မဟုတ်တဲ့ သဘောတရားကို

ငါမဟုတ်တဲ့ သူ့ကို ပြောပြတော့

သူဟာသူမဟုတ်မှန်း နားမလည်ခဲ့ဘူး...

အဲ.. သူဟာသူမဟုတ်မှန်း

သူနားလည်သွားတဲ့ အချိန်ကျတော့

ငါဟာ ငါပြန်ဖြစ်သွားပြီ...

(on 28.9.06 - 1:30 am.. တရေးနိုး စိတ်ရူးပေါက်ချိန်... :P )

သြော်... လက်စသတ်တော့ ဒီလိုကိုး

        ဖိုးရွှေယုန်တို့ ဇနီးမောင်နှံ နှစ်ယောက်သား ကလေးမီးဖွားဖို့အတွက် ဆေးရုံကို ရောက်လာကြတယ်.. မိန်းမဖြစ်သူ မွေးခန်းမဝင်မီမှာ ဒေါက်တာဖိုးခွားက အခုလို လာရှင်းပြတယ်..

"ကျွန်တော် ဘယ်နိုင်ငံမှာမှ မပေါ်သေးတဲ့ အဆင့်မြင့် စက်ပစ္စည်းတစ်ခုကို တီထွင်ထားတယ်.. အဲဒီစက်ကို အသုံးပြုပြီး မိခင်ဖြစ်တဲ့သူ ကလေးမီးဖွားစဉ်မှာ ခံစားရတဲ့ နာကျင်မှုကို ရာခိုင်နှုန်းအလိုက် ကလေးရဲ့ ဖခင်ဆီကို လိုချင်သလို ပြောင်းရွှေ့ပေးနိုင်တယ်.. ခင်ဗျားတို့ ဒီစက်ကို စမ်းသပ်အသုံးပြုချင်ပါသလား??."

ဒီသတင်းကို ကြားတဲ့အခါမှာ ဖိုးရွှေယုန်ရော သူ့ဇနီးရော နှစ်ယောက်စလုံးက ဒီစက်ကို စမ်းသပ် အသုံးပြုဖို့ စိတ်အားထက်သန်စွာနဲ့ သဘောတူကြတယ်...

        ဒီလိုနဲ့ မွေးခန်းထဲကို စဝင်ကြတယ်.. ဒေါက်တာ ဖိုးခွားက

"ကျွန်တော် အခု စစချင်း နာကျင်မှုရဲ့ ၁၀% လောက်ကို အဖေဆီကိုစလွှဲမယ်.. ဘာလို့လဲဆိုတော့ ဒီ ၁၀% လောက်မျှသော နာကျင်မှုလေးကတောင် ခင်ဗျားတသက်မှာ ခံစားခဲ့ဖူးတဲ့ နာကျင်မှုတွေထက် သာလိမ့်မယ်ဗျ!!"

        ၁၀% လွှဲလိုက်တယ်.. ခဏကြာသွားတယ်.. ဖိုးရွှေယုန် ဘာမှထူးထူးထွေထွေ မခံစားရဘူး.. "ဒီလောက်တော့ အပျော့ပေါ့ ဆရာခွားရယ်.." ဆိုတဲ့ မျက်နှာပေးမျိုးနဲ့ ဒေါက်တာ ဖိုးခွားကို နောက်ထပ် ရာခိုင်နှုန်းတချို့ ထပ်လွှဲဖို့ ပြောတယ်..

        ၂၀% အထိ တင်လိုက်တယ်.. ဒါလည်း ဖိုးရွှေယုန်တို့က မဖြုံပြန်ဘူး... ဒေါက်တာဖိုးခွား မယုံနိုင်ဘူး.. ဒါနဲ့ ဖိုးရွှေယုန်ကို သွေးပေါင်ချိန်တိုင်းတယ်.. သွေးခုန်နှုန်း၊ နှလုံးခုန်သံ စတာတွေ စစ်ဆေးတယ်... ဒေါက်တာ ဖိုးခွားရော ဖိုးရွှေယုန်ပါ အံ့အားသင့်ရတာက အခြေအနေ အားလုံး ပုံမှန်ပဲ.. ဒါနဲ့ ၂ ယောက်သား တိုင်ပင်ပြီး ၅၀% အထိ လွှဲပြောင်းကြည့်ဖို့ ဆုံးဖြတ်လိုက်ကြတယ်...

        ၅၀% အထိ လွှဲလိုက်တယ်... ဒါတောင် ဖိုးရွှေယုန်တို့ အိန္ဒြေမပျက် အေးဆေးပဲ ဖြစ်နေပြန်တယ်... ဖိုးရွှေယုန် ဘာမှမဖြစ်သလို သူ့ဇနီးမှာလည်း တဖြည်းဖြည်းရာခိုင်နှုန်းတွေ လွှဲပြောင်းတာများလာတာနဲ့ အမျှ ဝေဒနာ ခံစားရမှုက သိသိသာသာသက်သာလာခဲ့တယ်..

        ဒါနဲ့ နောက်ဆုံး မထူးဘူးဆိုပြီး ရှိသမျှ ၁၀၀% လုံးကို အကုန်လွှဲပြောင်းပေးလိုက်တယ်... ဒီလိုနဲ့ပဲ ဇနီးသည်ရော ဖိုးရွှေယုန်ပါ ဘာနာကျင်မှုမှ မခံစားရတော့ဘဲ ကလေးကို အောင်အောင်မြင်မြင် မွေးထုတ်နိုင်ခဲ့တယ်... လင်မယား နှစ်ယောက်လုံး စက်တီထွင်တဲ့ ဒေါက်တာ ဖိုးခွားကို ကျေးဇူးတွေ အခါခါတင်ပြီး နှစ်ဦးသား ပြုံးပျော်ကြလို့ပေါ့...

        အဲ.. နောက်တစ်နေ့ ဆေးရုံကအဆင်းမှာတော့ ဖိုးရွှေယုန်တစ်ယောက် ထူးဆန်းတဲ့ မြင်ကွင်းတစ်ခုကို မြင်တွေ့လိုက်ရပါတော့တယ်.. အဲဒါကတော့ သူတို့ဆီ နွားနို့လာပို့နေကျ ကုလားကြီးကို သူတို့ရဲ့ အိမ်ရှေ့မှာ နွားနို့လာပို့ရင်း ပြင်းပြင်းထန်ထန် နာကျင်တဲ့ ဝေဒနာတခုခုကို ခံစားထားရပုံမျိုးနဲ့ လဲကျသေဆုံးနေတာကို တွေ့လိုက်ရတော့တာပါပဲ...

:D :D :D                                                                                                                                    

on 15.1.12 (1:30 am)

ဒေါက်တာ ရွှေယုန်

ဒေါက်တာ ရွှေယုန် ဆေးခန်းထဲမှာ ထိုင်နေတယ်...

အဲဒီအချိန်မှာ ငယ်ရွယ်ပြီး လှပကျော့ရှင်းတဲ့ မိန်းကလေးတစ်ယောက် ဆေးခန်းထဲဝင်လာတယ်...

"ဆရာ .. ဆေးခန်းပြချင်လို့ပါ..."

"ဟုတ်ပါပြီ.. အဝတ်အစားတွေကို ချွတ်လိုက်ပါ..."

"ရှင်!! ဘာအတွက်လဲဟင်?"

"သြော်.. တလွဲမထင်ပါနဲ့.. ကျွန်တော်တို့ ဆေးပညာစမ်းသပ်ချက်အရ လိုအပ်လို့ပါ.."

"ဒါပေမယ့်.. ကျွန်မက သွားကိုက်နေလို့ လာပြတာရှင့်!!"

"သြော်.. ဒါဆို ခင်ဗျားလာတဲ့နေရာမှားနေပြီ.. ခင်ဗျားက သွားဆရာဝန်ကို ပြရမှာလေ..."

"ဟုတ်ကဲ့.. မသိလို့ပါ.. ဒါနဲ့ ဆရာကရော ဘာဆရာဝန်လဲဟင်??"

"ကျွန်တော်လား ?. ကျွန်တော်က မျက်စိ ဆရာဝန်လေ.." :D :P :P

PS. သူငယ်ချင်းတို့ရေ.. ဒေါက်တာရွှေယုန်တို့က အပြင်မှာ ဒီထက်ပိုဆိုး.. အဲလေ.. အဲဒီလို မဟုတ်ရှာပါဘူးဗျာ.. :P :P

ဖိုးလမင်းနဲ့ ရွှေယုန်ပုံပြင်

လမင်းကြီး ထိန်ထိန်သာနေတဲ့ ညချမ်းအချိန်လေးတခုမှာရွှေယုန်နဲ့ သူ့ချစ်သူ ကောင်မလေးတို့ မြစ်ကမ်းနံဘေးမှာ တူတူထိုင်နေကြတယ်...ကောင်မလေးက ပြောတယ်.. 

"ကို.. သိပ်သာယာတာပဲနော်.. လမင်းကြီးကလည်း ထိန်ထိန်သာလို့... မေလေ.. အဲဒီလမင်းကြီး အရမ်းဖြစ်ချင်တာပဲ သိလား.."

"ဘာဖြစ်လို့? "

"သြော်.. ကို့ရဲ့ Nick က ရွှေယုန်မဟုတ်လား.. မေက လမင်းဆိုတော့ ကိုနဲ့မေ လမင်းနဲ့ လမင်းပေါ်ကယုန်လို အတူတွဲပြီး ရှိနေနိုင်တာပေါ့.. မကောင်းဘူးလား..?"

"မကောင်းပါဘူး.. ကိုကအဲဒီလို လမင်းနဲ့ယုန် မဖြစ်ချင်ပါဘူး..."

ကောင်မလေး စိတ်ဆိုးသွားတယ်.. ဒါနဲ့ ရွှေယုန်အနားကနေ ထသွားဖို့ ပြင်တယ်...

"နေပါဦး မေရဲ့.. ဒါက ဘာဖြစ်သွားတာလဲ?."

"ဘာဖြစ်ရမှာလဲ.. ဒီစကားက ကိုဟာ မေနဲ့တူတူ အမြဲမရှိချင်ဘူးဆိုတဲ့ သဘောပဲ မဟုတ်ဘူးလား! "

"မဟုတ်ပါဘူးမေရယ်... ကို့ စကားကိုလည်း ဆုံးအောင် နားထောင်ပါဦး.. ကိုပြောမယ်.. သေချာနားထောင်နော်...

မိုးပေါ်က လမင်းမှာပေါ်တဲ့ ယုန်လေးက လမင်းကြီးကို မြင်တဲ့အခါတိုင်းသူ့ကို မမြင်ရဘူး.. လပြည့်ညတွေကျမှသာ သူတို့ကို ပြည့်ပြည့်ဝဝ အတူတူ မြင်ရတာ.. ကိုက မေနဲ့တူတူ ထာဝရ အမြဲတမ်း ရှိချင်တာ...

နောက်ပြီး လမင်းပေါ်မှာ ရှိနေတဲ့ ယုန်က တကယ်တမ်းမရှိဘူးလေ.. သူ့ကို မြင်ရတာဟာ လမင်းပေါ်က ချိုင့်ကြီးတွေပေါ်ကို အလင်းရောင် ကျတာကြောင့် မြင်ရတဲ့ ပုံရိပ်လေးတစ်ခုပဲ... ကို မေ့ကိုချစ်တဲ့ အချစ်က အဲလို ပုံရိပ်ယောင် တစ်ခုမှမဟုတ်တာ.. ခိုင်ခိုင်မာမာနဲ့ နက်နက်နဲနဲချစ်တဲ့အချစ်လေ..

နောက်ဆုံးတစ်ချက်က မေဟာ ကို့ဘဝအတွက် လမင်းကြီးလို တစ်လမှာ တစ်ခါပဲ အလင်းရောင်ပြည့်ပြည့်ဝဝ ပေးတဲ့သူမဟုတ်ဘူး.. ကို့ ကိုအမြဲ အလင်းရောင်ပေးနေတဲ့ ကို့ဘဝရဲ့ လမင်းလေးလေ.. အဲဒါကြောင့် ကိုက အဲဒီလမင်းနဲ့ ယုန်လို မဖြစ်ချင်ဘူးလို့ ပြောတာပါ.. ကဲ ရှင်းပြီလား... "

ကောင်မလေး ကျေနပ်သွားတယ်... အဲဒီလသာတဲ့ ညချမ်းလေးဟာလည်း ချစ်သူနှစ်ဦးအတွက် အလွန်ကြည်နူးဖွယ် ကောင်းတဲ့ ညချမ်းလေးတစ်ခု ဖြစ်လို့နေခဲ့ပါတော့တယ်...

written by KST (on 24.1.12)

ဉာဏ်စမ်း ကြရအောင်!! (ပျော်စေရမည်ဟု အာမခံပါကြောင်း..)

သင့်ရဲ့ လျှပ်တပြက် ဉာဏ်ကို စမ်းသပ်ကြည့်ရအောင်...အခု အောက်မှာ မေးမယ့် မေးခွန်းတွေကို အချိန်ယူစဉ်းစားတာမျိုးမလုပ်ဘဲ ရိုးရိုးသားသားနဲ့ မြန်မြန်ဖတ် မြန်မြန်ဖြေ လုပ်ကြည့်ပါ...(အချိန်ယူ စဉ်းစားမယ်ဆိုရင် ပျော်ရမှာမဟုတ်ဘူးလို့တော့ ကြိုပြောပါရစေ... :P) ကဲ .. စလိုက်ရအောင်ဗျာ..

၁။ အပြေးပြိုင်ပွဲတစ်ခုမှာ သင်ပါဝင်ယှဉ်ပြိုင်နေတယ် ဆိုပါစို့... ဒုတိယနေရာက လိုက်နေတဲ့ လူကို သင်ကျော်တက်လိုက်တယ်... အခု သင်ဘယ်နေရာကနေ ပြေးနေပါသလဲ?? 

အဖြေ...............

ပထမ နေရာပေါ့လို့ သင့်ရဲ့စိတ်ထဲမှာ ဖြေလိုက်မိပါသလား... ဒါဆိုရင်တော့ သင့်ရဲ့ အဖြေလွဲမှားသွားပါပြီ... ဒုတိယနေရာက လူကို ကျော်တက်လိုက်ရင် သင်ဟာ ဒုတိယနေရာမှာပဲ ရှိနေမှာပါ.. ပထမနေရာက လူကို ကျော်တက်ရဦးမယ်လေ... ဟုတ်တယ်ဟုတ် ??

------------------------------------------------------------------------

၂။ စတိုးဆိုင် တစ်ခုမှာ ဆွံ့အ နားမကြားသူ တစ်ယောက်ဈေးလာဝယ်ပါတယ်.. အရောင်း စာရေးမကို အမူအရာနဲ့ သွားတိုက်တဲ့ ပုံစံ လုပ်ပြတယ်... အရောင်း စာရေးမ သဘောပေါက်သွားပြီး သွားတိုက်တံ ရောင်းချပေးလိုက်တယ်... ကဲ.. တကယ်လို့ မျက်မမြင်တစ်ယောက် နေကာမျက်မှန် လိုချင်ကြောင်း အရောင်းစာရေးမ သိစေချင်ရင် ဘယ်လိုမျိုး အသိပေးမလဲ???

အဖြေ...............

သင့်ရဲ့စိတ်ထဲမှာ အမူအရာ တစုံတခု ပေါ်ပေါက်လာတယ်ဆိုရင်တော့ သင့်ရဲ့ အဖြေမှားယွင်းနေပါပြီ... မျက်မမြင်တစ်ဦး မျက်မှန်လိုချင်ရင် "ကျွန်တော့်ကို နေကာမျက်မှန်တစ်လက် ရောင်းပေးပါ.." လို့ပြောလိုက်ရုံပဲလေ...  :P .. ဟုတ်တယ်ဟုတ်?

------------------------------------------------------------------------

ကဲ... စိတ်ဓါတ်မကျပါနဲ့... သင်ဟာ ဒီမေးခွန်းကို မှန်အောင်ဖြေပြီး ဖြတ်ထိုးဉာဏ် ကောင်းသူ တစ်ယောက်ဖြစ်နိုင်ပါသေးတယ်... မြန်မြန်လေးတော့ ဖြေနော်...

၃။ မေရီရဲ့ အဖေမှာ သမီးချည်းပဲ ၅ ယောက်တိတိ ရှိတယ်... သူ့သမီးတွေရဲ့ နာမည်တွေကတော့ (က) ချစ်ချစ်၊ (ခ) ချိုချို၊ (ဂ)ချူချူ၊ (ဃ) ချုံချုံ တဲ့.. ကဲ.. နောက်ဆုံး ကျန်တဲ့ သမီးလေးရဲ့ နာမည်က ဘယ်သူဖြစ်မယ်လို့ သင်ထင်ပါသလဲ???

အဖြေ...............

သင့်ရဲ့ စိတ်ထဲမှာ ချွေချွေ၊ ချောချော၊ ချယ်ချယ် စသဖြင့် နာမည်တွေ အစီအရီ ပေါ်လာပါသလား..? ဒါဆိုရင်တော့ သင့်ရဲ့ အဖြေ မှားပြန်ပါပြီခင်ဗျာ... နောက်ဆုံး သမီးလေးရဲ့ နာမည်က မေရီပါခင်ဗျာ.. ကျွန်တော် အစကတည်းက ပြောပါတယ်... မေရီပါလို့... :P

PS. ဤစာကို မောင်ကောင်းထိုက်၏ ဟာသပဒေသာကို မှီငြမ်း ရေးသားထားပါသည်... အားလုံးပျော်ရွှင်ကြပါစေ...

------------------------------------------------------------------------

I Love You ဆိုတဲ့ စကားလေး ၃ လုံး

        ရွှေယုန်တစ်ယောက် ဒီနေ့ Valentine Day ဖြစ်တာနဲ့ အညီ နောက်ဆုံးပေါ် Fashion Design တွေကိုဝတ်ဆင်ပြီးတော့ Shopping ထွက်လာတယ်... Shopping Center ထဲမှာ လမ်းလျှောက်နေရင်း လှပကျော့ရှင်းတဲ့ မိန်းမပျိုလေး တစ်ယောက်ကသူ့ကို မျက်တောင်မခတ်တမ်း ငေးကြည့်နေတာကို ရွှေယုန်သတိထားမိသွားတယ်...

ရွှေယုန်တစ်ယောက် စိတ်ထဲမှာ ပျော်ရွှင်သွားပြီး ကိုယ့်ကိုကိုယ်လဲ ယုံကြည်စိတ်တွေ တိုးလာခဲ့တယ်... အဲဒါကြောင့် ကောင်မလေးဆီကို ဟန်ပါပါ လျှောက်လှမ်းသွားတယ်... ပြီးတော့

"ဟိတ် ချစ်စရာ ကောင်မလေး.. ဒီနေ့မှာ ကိုယ် မင်းလေးရဲ့ စိတ်ဆန္ဒ ကိစ္စ တစ်ခုကို ဘာမဆိုကိုယ် ဖြည့်စွမ်းပေးမယ်... အဲဒီအတွက် ကိုယ့်ကို ငွေ ၁၅၀၀ ကျပ်ပဲပေးရမယ်..." လို့ အထာလေးနဲ့ ပြောလိုက်တယ်.. ကောင်မလေးက သူ့ကို ငေးကြည့်နေဆဲပဲ..

"ဒါပေမယ့်.. ကိုယ့်ဘက်က တောင်းဆိုစရာ တစ်ခုတော့ရှိတယ်.." လို့ ဆက်ပြောလိုက်တယ်..

"ဘာများပါလိမ့် ရှင်???"

"အဲဒါကတော့ မင်းတောင်းဆိုမယ့် မင်းရဲ့ ဆန္ဒကို အင်္ဂလိပ်လို စာလုံး ၃ လုံးတည်းနဲ့ ဖော်ပြရမယ်..." 

ကောင်မလေး တော်တော်ကြာအောင် ငြိမ်သက်သွားတယ်... အဲဒီနောက် ပိုက်ဆံ ၁၅၀၀ ကို ရေတွက်ပြီး သူမရဲ့ လိပ်စာကဒ်ကို ပေးလိုက်တယ်... ရွှေယုန်က ဟန်ပါပါ လှမ်းယူလိုက်တဲ့ အချိန်မှာ ကောင်မလေးက ရွှေယုန်ရဲ့ မျက်လုံးကို စူးစူးနစ်နစ် စိုက်ကြည့်ပြီး တိုးတိုးလေး ပြောလိုက်တာကတော့...

"CLEAN MY HOUSE!!" တဲ့ဗျာ... :P :P :P

လွယ်ကူရိုးရှင်း ခြင်ဖမ်းရှင်း

ခြင်တော်တော်များများကို ဖမ်းမိစေနိုင်တဲ့ လွယ်ကူရိုးရှင်းတဲ့ Hand-made Simple Mosquito Trap လုပ်ပုံလေးကို တင်ပြချင်ပါတယ်... ဗုဒ္ဓဘာသာ အယူအဆအရ သူ့အသက်သတ်ခြင်းက မကောင်းပေမယ့် ကျန်းမာရေးရှုထောင့်အရ သွေးလွန်တုတ်ကွေးရောဂါကိုကာကွယ်ရာဖြစ်စေနိုင်တာမို့ တင်ပြပေးလိုက်ရခြင်းလည်းဖြစ်ပါတယ်...

လိုအပ်သော ပစ္စည်းများကတော့ Plastic Bottle ( Coca Cola, Sprite ကဲ့သို့သောအချိုရည်ဗူး)၊ Brown Sugar၊ တစေး (Yeast) နှင့် အနက်ရောင် တိပ်ခွေ စသည်တို့ပဲဖြစ်ပါတယ်...

၁။ ။ ဦးစွာ Plastic ဗူးကို ထက်ဝက်ဖြတ်ပါ...

၂။ ။ ဖြတ်ထားသော ဗူးမှ အောက်ဖက်ခြမ်းထဲတွင် သကြားညိုကို ရေနွေးဖြင့် သမအောင်ရောစပ်ပါ... ထို့နောက် အခန်းအပူချိန်(Room Temperature) ထိရောက်အောင်အအေးခံထားပါ...

၃။ ။ ထိုအအေးခံထားသော ဖျော်ရည်ထဲသို့ တစေးကိုရောထည့်ပါ... Carbon Dioxide ဓါတ်ငွေ့ဖြစ်ပေါ်လာမည်ဖြစ်ပြီး ခြင်များကို ဆွဲဆောင်နိုင်စေမည်ဖြစ်သည်...

၄။ ။ Plastic ဗူးကို အနက်ရောင်တိပ်ဖြင့် ပတ်၍ ဖြတ်ထားခဲ့သည့်ဗူးအပေါ်ပိုင်းကို ကတော့ပုံသဏ္ဌာန် ပြောင်းပြန်လှန်ပြီးစွပ်ထားလိုက်ပါ...

၅။ ။ ထိုဗူးကို အိမ်အတွင်းထောင့်တနေရာရာတွင် ထားလိုက်ပါ...

၆။ ။ ၂ ပါတ်ခန့်ကြာသည့်အခါ ဗူးကိုပြန်လည်စစ်ဆေးကြည့်လိုက်ပါ... သင်အံ့သြလောက်အောင် ခြင်သေများဖြင့် ပြည့်နေသည်ကို မြင်တွေ့ရမည်ဖြစ်သည်...

Facebook ပေါ်တွင်တွေ့သော သတင်းကို ဘာသာပြန် တင်ပြပေးခြင်း ဖြစ်ပါသည်...

Dr. ကျော်စွာသက် (24.3.13)

The Laundry..

        လင်မယား နှစ်ယောက် နေအိမ်အသစ်ကို ပြောင်းရွှေ့လာကြတယ်... နောက်တစ်နေ့ မနက်ခင်း သူတို့ လင်မယား မနက်စာစားနေတုန်းမှာ သူတို့ရဲ့ အိမ်နီးနားချင်း အမျိုးသမီးဟာ လျှော်ပြီးသားအဝတ်တွေကို လှန်းနေတာကို မြင်တွေ့လိုက်ကြရတယ်... ဒီအခါမှာ မိန်းမဖြစ်သူက အခုလိုပြောတယ်...

“အိုး.. သူအဝတ်လျှော်တာ တော်တော်ကို မပြောင်တာဘဲ... ကြည့်ရတာ အဝတ်ဘယ်လိုလျှော်ရတယ်ဆိုတာတောင် သိပုံမရဘူး... အဝတ်လျှော်ရင် ဆပ်ပြာကောင်းကောင်း သုံးရတယ်ဆိုတာ အဲဒီ အမျိုးသမီး နားမလည်ဘူးနဲ့ တူတယ်... အဝတ်တောင် ကောင်းကောင်း မလျှော်တတ်မှတော့ အိမ်ထောင်မှုလည်း နိုင်နင်းမှာ မဟုတ်ဘူး... သူ့အိမ်ဆိုရင်လည်း ညစ်ပတ်ပြီး ရှုပ်ပွနေမှာ မြင်ယောင်မိပါသေးတယ်...”

ယောကျာ်းဖြစ်သူဟာ မနက်စာစားနေရာကနေ တချက်လှမ်းကြည့်ပြီး ဘာမှမပြောဘဲ၊ တုံဏိဘာဝေ ဆိတ်ဆိတ်သာနေပါတယ်...

        နောက်ရက်တွေမှာလည်း ထိုအိမ်နီးချင်း အမျိုးသမီး အဝတ်လှန်းတိုင်း မိန်းမဖြစ်သူဟာ အထက်ပါအတိုင်း အမြဲလိုလို ဝေဖန်လေ့ရှိတယ်... တစ်လလောက်ကြာတဲ့ အချိန် မနက်ခင်းတစ်ခုမှာတော့ သူမဟာ အိမ်နီးချင်းအမျိုးသမီးရဲ့ အဝတ်တွေ ဖြူဖွေးသန့်စင်နေတာကို အံ့သြဖွယ် တွေ့ရှိလိုက်ရပါတယ်... သူမက ခင်ပွန်းဖြစ်သူကို ခုလိုလှမ်းပြောလိုက်တယ်...

“ကြည့်ပါဦး မောင်ရယ်... နောက်ဆုံးမှာတော့ အဝတ်ဘယ်လိုလျှော်ရတယ်ဆိုတာ သူကောင်းကောင်းကြီး သိသွားပြီ... သူ့ကို ဘယ်သူကများ သေချာ သင်ပေးလိုက်သလဲ မသိဘူးနော်...”

ခင်ပွန်းဖြစ်သူက “ဒီနေ့မနက် မောင်အစောကြီးထတယ်... နောက်ပြီး မောင်တို့ထမင်းစားခန်းက ပြတင်းပေါက်မှန်တွေကို သေချာပြောင်နေအောင် သုတ်ထားလိုက်တာလေ...” လို့သာ ပြောလိုက်ပါတော့တယ်...

--------------------------------=====--------------------------------

        ကျွန်တော်တို့ဟာ များသောအားဖြင့် မိမိကိုယ်ကို ပြန်လည်ဆန်းစစ်ကြည့်ဖို့ မေ့လျော့ပြီး သူတပါးရဲ့ အပြစ်ကိုသာ မြင်ကြ၊ ဝေဖန်ကြ၊ ကဲ့ရဲ့ကြ ပြုလုပ်တတ်ပါတယ်... တခါတလေမှာ သူတစ်ပါးအမှားလို့ ထင်ရတဲ့ အရာတွေဟာ သေချာပြန်ဆန်းစစ်ရင် မိမိတို့အမှားဖြစ်နေတာကို ဝမ်းနည်းဖွယ် တွေ့ရှိရတတ်ပါတယ်...

        ကျွန်တော်ငယ်စဉ်က ဆရာမတစ်ယောက် ဆုံးမဖူးတဲ့ စကားလေးလို “မျက်မှန်စိမ်းကြီးတတ်ပြီးတော့ တလောကလုံး စိမ်းနေတာပဲ” ဆိုတဲ့ အခြေအနေမျိုး ဖြစ်နေတတ်ပါတယ်...ဒါကြောင့် ကြည်လင်တဲ့ စိတ်ကလေးနဲ့ သူတပါးကို ပြစ်တင်ဝေဖန်မယ် စဉ်းစားကြံရွယ်တိုင်း မိမိသာ သူ့နေရာမှာဆိုရင်ကော ဆိုတဲ့ စိတ်ကလေးနဲ့ ကိုယ်ချင်းစာကြည့်၊ မိမိကိုယ်တိုင်က အမြင်မှားနေသလားဆိုတာကို ပြန်လည်ဆန်းစစ်ကြည့်.. ပြီးမှသာ ဝေဖန်ပြစ်တင်မှု ပြုလုပ်ကြပါလို့ တိုက်တွန်းရင်း....

Dr. ကျော်စွာသက် (3.4.13)

Source: : unknown.. (facebook မှာဖတ်မိတဲ့ article လေးကို သင့်တော်အောင်ဘာသာပြန်ပြီး အနည်းငယ်ပြုပြင် ရေးသားထားပါတယ်..)

ရေးမိသမျှ

တစ်စုံတစ်ဦးက သင့်ကိုထားသွားလို့ 

သင်ထိုတစ်စုံတစ်ယောက်ကို ဆုံးရှုံးလိုက်ရပြီလို့ ခံစားနေရပါသလား...

သင်ဝမ်းမနည်းပါနဲ့... သင်က ဆုံးရှုံးလိုက်ရတာ မဟုတ်ပါဘူး...

သင့်လိုလူကိုသာ ထိုတစ်စုံတစ်ယောက်က ဆုံးရှုံးလိုက်ရတာပါ...

Dr. ကျော်စွာသက် (2.4.13)

သဘာဝတရားကပေးအပ်တဲ့ လက်ဆောင်

ဘဝဆိုတာ သဘာဝတရားကပေးအပ်တဲ့ လက်ဆောင်တစ်ခုပါ... 

- စာနာမှုမရှိ ကြမ်းတမ်းတဲ့ စကားတစ်ခွန်း ပြောမယ်လို့ ကြံစည်တိုင်း စကားလုံးဝမပြောနိုင်တဲ့ သူတွေရဲ့ ဘဝကို ကိုယ်ချင်းစာကြည့်ပါ... 

- အစားအစာတစ်ခုကို ဟိုလိုမကြိုက်ဘူး ဒီလိုမကြိုက်ဘူးလို့ ချေးများမယ်လို့ ကြံတိုင်း စားစရာမရှိလို့ ငတ်မွတ်နေရတဲ့ သူတွေရဲ့ ဘဝကို တွေးမြင်ကြည့်ပါ... 

- သင့်ရဲ့ ဇနီး၊ ခင်ပွန်းရဲ့ မကောင်းကြောင်းတွေကို Complain တက်မယ်လို့ ကြံတိုင်း ဘဝအဖော်မရှိ အထီးကျန်နေရသူတွေရဲ့ ဘဝကို မြင်ယောင်ကြည့်ပါ... 

- သင့်ရဲ့ ဘဝကို ဘာဖြစ်တယ် ညာဖြစ်တယ်လို့ ညည်းတွားမယ်ကြံတိုင်း စောစီးစွာ ကြွေလွင့်ခဲ့ရတဲ့ ဘဝတွေကို စဉ်းစားကြည့်ပါ... 

- သင့် သားသမီးတွေအကြောင်း ညည်းတွားမယ်ကြံတိုင်း၊ သားသမီး မရနိုင်ရှာတဲ့ သူတွေရဲ့ ဘဝကို တွေးကြည့်ပါ... 

- အလုပ်မှာ ပင်ပန်းလိုက်တာ.. အလုပ်လုပ်ရတာ ဘာဖြစ်တယ် ညာဖြစ်တယ်လို့ ညည်းတွားမယ်ကြံတိုင်း အလုပ်လုပ်စရာမရှိတဲ့သူတွေ၊ အလုပ်မလုပ်နိုင်ရှာတဲ့ ဒုက္ခိတတွေ၊ သင့်လို အလုပ်ကို အလွန်လုပ်ချင်နေကြတဲ့ သူတွေနေရာမှာ ဝင်ခံစားကြည့်ပါ... 

- တစုံတခုကြောင့် သင်စိတ်ဓါတ်ကျ အားငယ်နေတိုင်း သင့်ရဲ့ မျက်နှာမှာ အပြုံးတစ်ခု ဆင်မြန်းရင်း၊ သင့်ကို ရှင်သန်ခွင့် ပေးတဲ့ လောကကြီးနဲ့ ဆက်လက်အသက်ရှင်နေခွင့်ရနေသေးတာကို တွေးပြီး မိမိကိုယ်ကို ဖြေသိမ့်ပါ... 

ဘဝဆိုတာ သဘာဝတရားက ပေးအပ်တဲ့ လက်ဆောင်တစ်ခုပါ... ဒါကြောင့် အဲဒီဘဝမှာ အောင်မြင်စွာ၊ ပျော်ရွှင်စွာ၊ ကျေနပ်စွာ ရှင်သန်နေလိုက်ပါ....

The Story Of A Blind Girl!!

တခါက မျက်စိအလင်းကွယ်နေရှာတဲ့ မိန်းကလေးတစ်ဦးရှိတယ်... သူမဟာ မျက်စိမမြင်တဲ့ သူမရဲ့ဘဝကြောင့် ဘယ်သူ့ကိုမှ အကောင်းမမြင်ဘဲ လူတိုင်းကို မုန်းတီးလို့နေပါတယ်... အရာရာသူမကိုအလိုလိုက်တဲ့ သူမအတွက် အမြဲရှိတဲ့ သူမရဲ့ ချစ်သူကောင်လေးကလွဲလို့ပေါ့... သူမက အကယ်၍သူမသာ ကမ္ဘာကြီးကို မြင်တွေ့ခွင့်ရခဲ့ရင် သူမရဲ့ ကောင်လေးကို လက်ထပ်မယ်လို့ အမြဲပြောလေ့ရှိပါတယ်...

ဒီလိုနဲ့ တစ်နေ့မှာတော့ မျက်စိအလှူရှင်ရှိတာကြောင့် သူမရဲ့ မျက်လုံးတွေအလင်းပြန်ရခဲ့ပါတယ်... သူမမျက်စိပြန်မြင်ပြီးနောက် သူမရဲ့ ချစ်သူကောင်လေးရောက်ရှိလာပြီးတော့

“ချစ်.. အခုမျက်စိ ပြန်မြင်ပြီဆိုတော့ ချစ်ပြောခဲ့သလို ကိုယ့်ကိုလက်ထပ်နိုင်ပြီလားဟင် ?” လို့မေးခွန်းထုတ်လိုက်ပါတယ်... ဒါပေမယ့် ကောင်မလေးအံ့အားသင့်ရတာကတော့ သူ့ချစ်သူကောင်လေးဟာ မျက်မမြင်ဖြစ်နေတာကို တွေ့လိုက်ရတာပါပဲ...

ကောင်မလေးဟာ ကောင်လေးဟာ မျက်မမြင်ဖြစ်နေတဲ့အတွက် မျက်စိအလင်းပြန်ရလာပြီဖြစ်တဲ့ သူမက ကောင်လေးကို လက်မထပ်နိုင်ကြောင်း ငြင်းပယ်ခဲ့ပါတယ်... ကောင်လေးဟာ ဝမ်းနည်းစွာနဲ့ မျက်ရည်တွေကို အဖော်ပြုရင်း ကောင်မလေးကို ကျောခိုင်းထွက်ခွာ သွားခဲ့ပါတယ်...

တစ်နေ့မှာတော့ ကောင်လေးဆီကနေ ကောင်မလေးဆီကို စာတစ်စောင်ရောက်ရှိလာပါတယ်... စာထဲမှာရေးထားတာကတော့ “ကိုယ့်ရဲ့ မျက်လုံးတွေကို ဂရုစိုက်ပေးပါ ချစ်သူ...” တဲ့.....

---------------------===---------------------

ဒီပုံပြင်လေးက လူတွေရဲ့ ပတ်ဝန်းကျင်အခြေအနေကို လိုက်ပြီး ပြောင်းလဲတတ်တဲ့ သဘာဝကိုထင်ဟပ်စေပါတယ်... ဘဝရဲ့အမြင့်မားဆုံး အခြေအနေရောက်တာတောင် ကိုယ့်ရဲ့ ဘဝကို မမေ့၊ အောက်ခြေမလွတ်ဘဲ ဘဝအကြောင်းကို နားလည်တဲ့သူဟာ အနည်းငယ်မျှသာရှိပါတယ်...

ဒါကြောင့် တခါတရံမှာ မိမိအနစ်နာခံ စတေးလိုက်ရတဲ့ တန်ဖိုးတစ်ခုဟာ လက်ခံသူနဲ့ ထိုက်တန်လား မထိုက်တန်လားဆိုတာကို မိမိကိုယ်တိုင် ဆင်ခြင်ချင့်ချိန်ကြဖို့ လိုအပ်လှပါတယ်... လက်ခံသူတွေဟာလည်း ကိုယ်ရလိုက်တဲ့ ကူညီမှု၊ စာနာမှု၊ နားလည်မှု၊ ပေးဆပ်မှုတွေကို တန်ဖိုးထားတတ်ကြပါစေလို့ ဆုတောင်းရင်း.....

Dr. ကျော်စွာသက် (27.3.13)

Source : : the story of a blind girl (by anonymous)

လွှတ်ချခဲ့လိုက်ပါ...

        ဘုန်းကြီးနှစ်ပါးခရီးသွားရင်း မြစ်တစ်စင်းအနားကနေ ဖြတ်သွားနေတုန်းမှာ ကောင်းမွန်သားနားစွာ ဝတ်ဆင်ထားတဲ့ မိန်းကလေး တစ်ယောက် မြစ်ကို ဖြတ်ကူးဖို့ ကြံရာမရဖြစ်နေတာကို တွေ့လိုက်ရတယ်... မိန်းမငယ်ဟာ သူမရဲ့ အဖိုးတန် အဝတ်အစားတွေကို စိုစွတ်ပျက်ဆီးကုန်မှာ စိုးတဲ့အတွက် ရေအနည်းငယ်နက်တဲ့ မြစ်ကိုဖြတ်ကူးဖို့ အခက်အခဲတွေ့နေတာ ဖြစ်ပါတယ်...

        ခရီးသွားဘုန်းကြီး နှစ်ပါးထဲက တစ်ပါးဟာ မိန်းကလေးကို ကူညီတဲ့ အနေနဲ့ မိန်းကလေးကို ကျောပိုးပြီး မြစ်ကို ဖြတ်ကူးကာ မြစ်တဖက်ကမ်း ခြောက်သွေ့တဲ့ မြေပြင်ပေါ်အထိ လိုက်လံပို့ဆောင် ကူညီပေးလိုက်ပါတယ်... အဲဒီနောက် ဘုန်းကြီးနှစ်ပါးဟာ ခရီးဆက်ထွက်လာခဲ့ကြတယ်...

        ခရီးဆက်ထွက်လာကြရင်း ၁ နာရီမျှကြာတဲ့ အခါမှာတော့ ခရီးသွားဖော် ဘုန်းကြီးက ယခုလို စတင်စကားဆိုပါတယ်...

“ကိုယ်တော်... တပည့်တော်တို့ရဲ့ ဝိနည်းကျင့်ဝတ်တွေထဲမှာ မိန်းမများနဲ့ ကင်းရှင်းစွာ နေဖို့၊ နီးနီးကပ်ကပ် ထိတွေ့မဆက်ဆံရဘူးလို့ ပါရှိပါတယ်... ကိုယ်တော်ဟာ ဘာဖြစ်လို့ ကျင့်ဝတ်တွေကို ဖောက်ဖျက်ပြီး မိန်းကလေးကို ကျောပိုး ကူညီရတာလဲ ??”

မိန်းကလေးကို ကူညီခဲ့တဲ့ ကိုယ်တော်ဟာ ဘာမှ ပြန်မပြောဘဲ ခရီးကိုသာ ဆက်ပါတယ်... ဘေးက ကိုယ်တော်ကလည်း ဒီမေးခွန်းကိုသာ ထပ်တလဲလဲ မေးလို့နေပါတယ်...

        ဒါကြောင့် နောက်ဆုံးမှာတော့ ကူညီမှုကို ပြုခဲ့တဲ့ ဘုန်းကြီးက ယခုလို မှတ်ချက်ပြု ပြောပါတယ်...

“တပည့်တော် အဲဒီ ဒကာမကို ကျောကုန်းပေါ်ကနေ ချခဲ့တာ လွန်ခဲ့တဲ့ တစ်နာရီ ကျော်ကတည်းက ဖြစ်ပါတယ်... ကိုယ်တော်ဟာ ဘာကြောင့် ခုထက်ထိ စိတ်ထဲမှာ ထမ်းပိုးထားနေသေးတာလဲ ??”

---------------------------------===-------------------------------

        တချို့တချို့သော အရာတွေဟာ သူများရဲ့ ကိစ္စပင်ဖြစ်နေလင့်ကစား မိမိကထမ်းပိုးမိရင် မိမိရဲ့ ဒုက္ခအဖြစ်ရောက်ရှိ လာတတ်ပါတယ်... ကိုယ့်စိတ်ကိုဒုက္ခရောက်စေမယ့် ကိစ္စတွေကို ဘယ်တော့မှ သင်ထမ်းပိုးမထားပါနဲ့.... အဲဒီအတွက် သင့်မှာ ပင်ပန်းလေးလံနေရပါလိမ့်မယ်...

ဒါကြောင့် လွှတ်ချသင့်ရင် လွှတ်ချခဲ့လိုက်ပါ...

Dr. ကျော်စွာသက် (28.3.13)

Ref: : Two Monks

Why Google is called GOOGLE !!!

ကျွန်တော်တို့ လက်ရှိ Internet လောကမှာ အကောင်းဆုံးသော Search Engine ဖြစ်တဲ့ GOOGLE ကို ဘာကြောင့် GOOGLE ဆိုတဲ့ နာမည်ပေးရသလဲ ဆိုတာလေးကို ကျွန်တော်လေ့လာမိသလောက် အားလုံးဗဟုသုတရအောင် မျှဝေပေးလိုက်ရပါတယ်...

Google Company ကို ၁၉၉၈ ခုနှစ်မှာ Larry Page နဲ့ Sergey Brin တို့ သူငယ်ချင်းနှစ်ဦးက စတင်တည်ထောင်ခဲ့ပြီး စတည်ထောင်ခဲ့စဉ်က BackRub လို့ စတင်နာမည်ပေးခဲ့တာ ဖြစ်ပါတယ်...

Google ဆိုတဲ့ နာမည်ကိုတော့ နောက်ပိုင်းမှ ပြောင်းခဲ့တာဖြစ်ပြီး အဲဒီနာမည်ကတော့ Googol ဆိုတဲ့ အခေါ်အဝေါ်ကနေ ဆင်းသက်လာတာဖြစ်ပါတယ်... Googol ဆိုတဲ့ စကားလုံးဟာ သင်္ချာဝေါဟာရတစ်ခုဖြစ်ပါတယ်... အဲဒီစကားလုံးကို Milton Sirotta လို့ခေါ်တဲ့ သင်္ချာပညာရှင် တစ်ယောက်က စတင်သုံးစွဲခဲ့တာဖြစ်ပြီး ၁ရဲ့ နောက်မှာ သုညပေါင်း ၁၀၀ တန်ဖိုးရှိတဲ့ ကိန်းဂဏန်းလို့ အဓိပ္ပါယ်ရပါတယ်... စာဖတ်သူတို့ မျက်စိထဲ မြင်သာအောင် Googol ရဲ့ တန်ဖိုးကို ချရေးပြလိုက်ရပါတယ်...

10000000000,0000000000,0000000000,0000000000,0000000000,

0000000000,0000000000,0000000000,0000000000,0000000000 = ဒါဟာ Googol ရဲ့တန်ဖိုးပါပဲ...

Google Company ဟာ သူတို့ရဲ့ Search Engine ကြီးမှာ ထိုကိန်းဂဏန်းတန်ဖိုးကဲ့သို့သော သတင်းအချက်အလက်များကို လွယ်ကူစွာ ရှာဖွေနိုင်စေနိုင်စေသော ရည်ရွယ်ချက်နဲ့

Goooooooooo,oooooooooo,oooooooooo,oooooooooo,oooooooooo,

oooooooooo,oooooooooo,oooooooooo,oooooooooo,ooooooooooGle (GOOGLE) လို့ နာမည်ပေးခဲ့တာဖြစ်ပါတယ်...

Dr. ကျော်စွာ (23.3.13)

Source: Google Inc. Fact Sheet

ချစ်ခြင်းမေတ္တာ...

တခါက အလွန် နွမ်းပါးချို့တဲ့ရှာတဲ့ အဖိုးအိုလင်မယား နှစ်ယောက်ရှိကြပါတယ်...

တစ်နေ့မှာတော့ ရှည်လျားတဲ့ ဆံကေသာကို ပိုင်ဆိုင်ထားတဲ့ အဖွားအိုက သူ့ဆံပင်တွေကို သေချာကျနစွာ ဖြီးသင်နိုင်ဖို့အတွက် ဘီးတစ်ချောင်း ဝယ်ပေးဖို့ အဖိုးအိုကို ပူဆာပါလေတယ်...

အဖိုးအိုဟာ အဖွားအိုရဲ့ စကားကြောင့် စိတ်မကောင်းဖြစ်မိပေမယ့် ဘီးဝယ်ဖို့ ပိုက်ဆံမတတ်နိုင်တဲ့အတွက် မဝယ်ပေးနိုင်ကြောင်း ဝမ်းနည်းစွာ ငြင်းဆိုခဲ့ရပါတယ်... အဘိုးအိုဟာ မိမိရဲ့ လက်ပတ်နာရီကြိုးပြတ်သွားတာကိုတောင် ဝယ်လဲဖို့အတွက် ပိုက်ဆံ အလုံအလောက် မရှိကြောင်း အဖွားအိုကို သေချာစွာ ရှင်းပြခဲ့ပါတယ်... အဖွားအိုကလည်း အဖိုးအိုရဲ့ စကားကြောင့် ဘီးဝယ်ပေးဖို့ ထပ်မံမတောင်းဆိုတော့ပါဘူး...

နောက်တစ်နေ့မှာတော့ အဖိုးအိုဟာ အလုပ်ကိုအသွား လမ်းမှာရှိတဲ့ နာရီဆိုင်ကိုဝင်ပြီး သူ့ရဲ့ ကြိုးပြတ်နေတဲ့ လက်ပတ်နာရီလေးကို လျှော့ဈေးနဲ့ ရောင်းပြီး အဖွားအိုအတွက် ဘီးကလေး တစ်ချောင်းကို ဝယ်ယူထားလိုက်ပါတယ်...

ညနေ အိမ်ပြန်ချိန်မှာတော့ အဖွားအိုအတွက် ဘီးကလေးကိုကိုင်ကာ ပျော်ရွှင်စွာ အိမ်ပြန်လာခဲ့ပါတယ်... အိမ်ပြန်ရောက်လို့ အဖွားအိုကို မြင်လိုက်ရချိန်မှာတော့ အဖိုးအိုတစ်ယောက် အလွန်အံ့အားသင့်ခဲ့ရပါတော့တယ်... အကြောင်းရင်းကတော့ အဖွားအိုရဲ့ အလွန်ရှည်လျားတဲ့ ဆံကေသာကိုမတွေ့ရတော့ဘဲ တိုတောင်းတဲ့ ဆံပင်ပုံစံနဲ့ အဖွားအိုကို မြင်လိုက်ရတဲ့အတွက်ပါပဲ... ဒါ့အပြင် အဖွားအိုရဲ့ လက်ထဲမှာလည်း လက်ပတ်နာရီကြိုးအသစ်ကလေးကိုလည်း ကိုင်ထားတာကို တွေ့လိုက်ရပါတယ်...

အဲဒီနောက် အဖိုးအိုနဲ့ အဖွားအိုတို့ဟာ တစ်ယောက်ကို တစ်ယောက်ကြည့်ရင်း မျက်ရည်များကျဆင်းလာကြပါတယ်... သူတို့ နှစ်ယောက် အပြန်အလှန် ထားရှိတဲ့ ချစ်ခြင်းမေတ္တာ တရားကို နက်ရှိုင်းစွာ ခံစားမိကြလို့ပဲဖြစ်ပါတော့တယ်....

xxxxxxxxxxxxxxxxxxxxxxxxxxxxxxxxxxxxxxxxxxx

ကျွန်တော်တို့ရဲ့ ဘဝမှာ.....

ကိုယ်ပေးဆပ်ရတဲ့ အချစ် ဆိုတာ နာကျင်ခံစားရတာကလွဲရင် ဘာမှမဟုတ်ပါဘူး...

ကိုယ့်ကိုချစ်တဲ့ အချစ်ကိုရရင်တော့ တစုံတခုကို သင်ပိုင်ဆိုင်ရခြင်းပါ...

ကိုယ်ချစ်ရတဲ့သူနဲ့ ကိုယ့်ကိုချစ်တဲ့သူ တစ်ဦးတစ်ယောက်ထဲသာ ဖြစ်ရင်တော့ သင်ဟာ ကံအကောင်းဆုံးသူပါပဲ...

ဒါကြောင့် သင့်မှာ အဲလိုချစ်ရတဲ့ ချစ်သူရှိခဲ့ရင် သင့်ချစ်သူကို တန်ဖိုးထား မြတ်နိုးကြပါ... အပြန်အလှန် နားလည်ဂရုစိုက်ကြပါ...

Translated by..

Dr. ကျော်စွာ (on 9-3-2013)

ဂုဏ်ယူရမှာလား?? သိမ်ငယ်ရမှာလား ???

မြင်တွေ့ခဲ့ရသော မြင်ကွင်းလေးက ကားစီးရင်း အမှတ်တမဲ့ မြင်တွေ့ခဲ့ရတဲ့ မြင်ကွင်းတစ်ခု... နေရာကတော့ ဆူးလေစေတီအဝိုင်း အနီးတွင် ... အချိန်အားဖြင့် နေ့လည်ခင်းအချိန်ခန့်... တွေ့လိုက်ရသည်ကတော့ စက္ကန့်ပိုင်းမျှလေးသာ... သို့သော် ထိုမြင်ကွင်းကိုမြင်ပြီးနောက် အချိန်အတော်ကြာအောင် အတွေးနယ်ချဲ့ ခဲ့မိသည်... 

တွေ့လိုက်ရသည့် မြင်ကွင်းက ဤကဲ့သို့... နိုင်ငံခြားသားစုံတွဲ တစ်တွဲနှင့် မြန်မာစုံတွဲ တစ်တွဲ... မတ်တပ်ရပ်နေသော နိုင်ငံခြားသူ အမျိုးသမီး၏ ခြေထောက် တစ်ဖက်တွင် ဖိနပ်မရှိ... အဲသည် ဖိနပ်ကား မြန်မာအမျိုးသား၏ လက်ထဲတွင် ... ရန်ကုန်မြို့လယ် ဆူးလေစေတီအနီး နေ့လည်ခင်း နေပူပူအချိန်တွင် မြန်မာ အမျိုးသားက နိုင်ငံခြားသူ အမျိုးသမီး၏ ပြတ်နေသော ဖိနပ်ကို ချွေးသံတရွှဲရွှဲနဲ့ ခေတ္တမျှ အသုံးပြုသွားလာနိုင်အောင် ကူညီပြုပြင်ပေး နေပုံရသည်...

မတ်တပ်ရပ်နေသည့် သားသားနားနားဝတ်ဆင်ထားသည့် နိုင်ငံခြားသား စုံတွဲရှေ့မှာ နွမ်းပါးသော ဝတ်စုံလေးနဲ့ ငုတ်တုပ်လေးထိုင်ကာ ပြတ်နေသော မိန်းမစီးဖိနပ်တစ်ဖက်ကို ချွေးသံတရွှဲရွှဲနဲ့ ကြိုးစားပမ်းစားပြင်ဆင်နေသော မြန်မာစုံတွဲကို မြင်တွေ့ခဲ့ရခြင်းတည်း...

တကယ်ဆို ထိုနိုင်ငံခြားသူ အမျိုးသမီး၏ဖိနပ်ပြတ်သည့်ကိစ္စကို သူ့ဘေးမှ အဖော်ဖြစ်သူ အမျိုးသားက ဖြေရှင်းပေးနိုင်လောက်သည်... ဒါကို ကူညီသည့် မြန်မာစုံတွဲမှာ သူတပါး၏ ဒုက္ခကို ကူညီပေးတတ်သော မြန်မာပီပီ ဝင်ရောက်ကူညီပေးခြင်း ဖြစ်နိုင်ပါသည်...

ဤသို့ဆိုလျှင် ကျွန်တော်တို့ မြန်မာအမျိုးသမီးတစ်ဦး သူတို့နိုင်ငံတွင် ယခုကဲ့သို့ ဒုက္ခရောက်လျှင်ကော အလားတူကူညီမှုမျိုး ရရှိနိုင်ပါမည်လော... ကျွန်တော်တွေးမိပြန်ပါသည်... သိပ်တော့ မထင်လှ...

ယခုကဲ့သို့ ကူညီရိုင်းပင်းတတ်သော စိတ်ထားမျိုးသည် မြန်မာလူမျိုးများတွင်သာ အများအပြား ရှိတတ်သည်ကို တွေးမိတော့ ကျွန်တော် ဂုဏ်ယူမိလေသည်...

တဖန် နောက်ထပ်တမျိုး အတွေးနယ်ချဲ့မိပြန်သည်... တိုင်းတပါးသား အမျိုးသမီးတစ်ဦး၏ ဖိနပ်ကို အောက်ကျခံပြီး ပြုပြင်ပေးသော ထိုမြန်မာအမျိုးသား၏ စိတ်သည် ကူညီရိုင်းပင်းလိုမှု တစ်ခုတည်းမှ ဟုတ်ပါလေစ... ဆင်းရဲနွမ်းပါးသော သူတို့ဘဝ အတွက် ထိုတိုင်းတပါးသား စုံတွဲကို ကူညီခြင်းကြောင့် တုန့်ပြန်မည့် တစုံတခုကို မျှော်ကိုးပြီး ဖိနပ်ကဲ့သို့နိမ့်ကျသော ပစ္စည်းမျိုးကို ကြိုးစား ပြုပြင်ပေးခြင်းလော...??

သည်အတွေးဝင်လာမိတော့ ကျွန်တော် သိမ်ငယ်မိပြန်လေသည်... ကျွန်တော်တို့ မြန်မာလူမျိုးတို့၏ နဂိုမူလ ကူညီရိုင်းပင်းတတ်သည့် စိတ်ဓါတ်တို့သည် တိုင်းတပါးသားတို့က ကူညီမှုကို အသိအမှတ်ပြုသောအားဖြင့် ချီးမြှင့်တတ်သည့် ငွေကြေးတန်ဖိုးတစ်ခု အောက်တွင် တစစ ပြောင်းလဲလာခဲ့ကြသည်...

ထိုအတွက် ကူညီမှုကို ငွေကြေးဖြင့် တုန့်ပြန်တတ်သော တိုင်းတပါးသား တို့အား အပြစ်တင်ရမည်လော... ရရှိလာသော ငွေကြေးအပေါ်တွင် နွမ်းပါးသော ဘဝတို့ကြောင့် သာယာတိမ်းမူးမိကာ မူလကူညီတတ်သည့် စိတ်မှ ရယူလိုစိတ်ရှိလာခဲ့ကြသော အချို့ မြန်မာလူမျိုးများကို အပြစ်တင်ရမည်လော...

ထိုနေ့က အတွေးပေါင်းများစွာဖြင့် ကျွန်တော်ကျင်လည်နေခဲ့သည်... ခေတ္တခဏမျှ မြင်ခဲ့ရသော ထိုမြင်ကွင်းကြောင့် "ကမ္ဘာပေါ်တွင် ကူညီရိုင်းပင်းစိတ်ရှိသည့် မြန်မာဟေ့!!" ဟု ကျွန်တော်ဂုဏ်ယူဝင့်ကြွားရမည်လား ?? သို့တည်းမဟုတ် နွမ်းပါးသော ဘဝတို့ကြောင့် တိုင်းတပါးသားလူမျိုး တစ်ဦး၏ ဖိနပ်ကိုပင် အောက်ကျို့ခံပြုပြင်ပေးနေရသည့် ကျွန်တော်တို့လူမျိုးများအတွက် သိမ်ငယ်ဝမ်းနည်း ရမည်လား??? ကျွန်တော် ဝေခွဲမရခဲ့...

Dr. ကျော်စွာ (18.4.13)

ယောကျ်ားနဲ့ မိန်းမ

၁။ ယောကျ်ားတွေက သူတို့လိုချင်တဲ့ ၁ကျပ်တန်ပစ္စည်းကို ၂ ကျပ်ပေးဝယ်ကြသူများ ဖြစ်တယ်...

    မိန်းမတွေက သူတို့မလိုချင်တဲ့ ၂ ကျပ်တန် ပစ္စည်းကို ၁ကျပ်ပေးဝယ်ကြသူများ ဖြစ်တယ်...

၂။ မိန်းမတွေက သူတို့ယောကျ်ားမရခင်အချိန်ထိ မိမိတို့ရဲ့ အနာဂတ်ကို စိုးရိမ်ကြတယ်...

    ယောကျ်ားတွေက မိမိတို့ရဲ့အနာဂတ်ကို မိန်းမ မရခင်အထိ လုံးဝမစိုးရိမ်ဘူး...

၃။ အောင်မြင်တဲ့ ယောကျ်ားဆိုတာ မိန်းမသုံးတဲ့ ပိုက်ဆံထက်ပိုရှာနိုင်တဲ့ အမျိုးသားကိုခေါ်တယ်...

    အောင်မြင်တဲ့ မိန်းမဆိုတာ အဲလို ယောကျာ်းမျိုးကိုရှာယူနိုင်တဲ့ အမျိုးသမီးကို ခေါ်တယ်...

၄။ ယောကျ်ားတစ်ယောက် ပျော်ရွှင်စေဖို့ သူ့ကို အများကြီးနားလည်ပေးပြီး နည်းနည်းချစ်ဖို့လိုအပ်တယ်...

    မိန်းမတစ်ယောက် ပျော်ရွှင်စေဖို့ သူ့ကို အများကြီးချစ်ပြီး သူမကို နားလည်အောင် မကြိုးစားမိဖို့လိုတယ်...

၅။ အိမ်ထောင်ရှိတဲ့ ယောကျ်ားဟာ လူပျိုကြီးတွေထက် အသက်ပိုရှည်တတ်ကြတယ်...

    ဒါပေမယ့် သူတို့ဟာ လူပျိုကြီးတွေထက် မြန်မြန်သေလိုကြသူများဖြစ်တယ်...

၆။ မိန်းမတွေဟာ ယောကျာ်းတွေ ပြောင်းလဲလာမယ်ဆိုတဲ့ မျှော်လင့်ချက်နဲ့ လက်ထပ်ကြတယ်...

    ဒါပေမယ့် ယောကျာ်းတွေက မပြောင်းလဲဘူး...

   ယောကျာ်းတွေက မိန်းမတွေပြောင်းလဲသွားမှာ မဟုတ်ဘူးဆိုတဲ့ မျှော်လင့်ချက်နဲ့ လက်ထပ်တယ်..

   ဒါပေမယ့် မိန်းမတွေက ပြောင်းလဲသွားတယ်...

၇။ မိန်းမတွေကို ယောကျာ်းတွေ နားမလည်နိုင်တာ အချိန် ၂ ခုတည်းမှာသာ ဖြစ်တယ်...

    အဲဒါကတော့ အိမ်ထောင်မကျခင်နဲ့ အိမ်ထောင်ကျပြီးချိန်တွေပဲ ဖြစ်ကြတယ်...

   ဘာရယ်ဟုတ်ဘူး.. တွေ့မိတဲ့စာလေးကို ဘာသာပြန် မျှဝေတာပါ... :D :D :D (18.4.13)

ေျပာတဲ့ အတုိင္း

Bob ကို သူေဌးျဖစ္သူ အလုပ္သုိ႔ ဖုန္းဆက္ေခၚသည္...

 "သူေဌးရယ္ ... ကၽြန္ေတာ္ဒီေန႔ ေနမေကာင္းလို႔ပါ... ကုိယ္လက္ေတြနာတယ္... ဗိုက္ေအာင့္ၿပီး ေခါင္းလည္းကိုက္ေနလို႔ပါဗ်ာ... ဒါေၾကာင့္ ဒီေန႔ ကၽြန္ေတာ္ အလုပ္ကို မလာပါရေစနဲ႔ခင္ဗ်ာ..."

"ေအးကြာ... ဒုကၡပါပဲ... ကုမၸဏီမွာလည္း ဒီေန႔ အလုပ္ကိစၥအတြက္ မင္းရွိေနဖုိ႔ လိုကိုလိုအပ္ေနတယ္ကြ... ငါလည္း မၾကာမၾကာမင္းလို ျဖစ္တတ္ပါတယ္... အဲလိုမ်ဳိး ေနမေကာင္းျဖစ္ရင္ ငါကေတာ့ ငါ့မိန္းမဆီသြားၿပီး သူနဲ႔တူတူ အိပ္လိုက္တယ္... အဲလိုဆို ငါ့ေဝဒနာေတြ သက္သာၿပီး အလုပ္လုပ္ႏုိင္သြားတယ္... မင္းလည္း ငါ့နည္းမ်ဳိး စမ္းၾကည့္ပါလား..."
....
....
၃ နာရီခန္႔ ၾကာေသာ္... Bob သူေဌးျဖစ္သူထံ ဖုန္းဆက္သည္...

"သူေဌး... သူေဌးေျပာတဲ့နည္းအတုိင္း ကၽြန္ေတာ္လုပ္လိုက္တယ္... တကယ္ပဲ ေနရထိုင္ရသက္သာ သြားတယ္... ခဏေန ကၽြန္ေတာ္ ရံုးကိုေရာက္မယ္သူေဌး... ေၾသာ္... ဒါနဲ႔ စကားမစပ္ သူေဌးအိပ္ခန္းက ေတာ္ေတာ္လွတယ္ေနာ္..." :D :D :D


(ဘာသာျပန္ထားတာပါ...) (19.4.13)

ကိုယ္ခ်င္းစာတတ္ေအာင္

မိန္းမျဖစ္သူ မနက္စာအတြက္ ၾကက္ဥေၾကာ္ေနစဥ္ ေယာက်္ားျဖစ္သူ ရုတ္တရက္ဝင္လာသည္...

"သတိထားေနာ္! သတိထား... ေထာပတ္နည္းနည္း ထပ္ထည့္ဦး! ဟာ.. ၾကည့္စမ္း... မင္း ၾကက္ဥေၾကာ္ဖို႔ ထည့္ထားတဲ့ ဆီကလည္း မ်ားလိုက္တာ!!! တူးေတာ့မယ္.. တူးေတာ့မယ္... ၾကက္ဥကို လွန္လိုက္ေတာ့...
အခု ခ်က္ခ်င္းလွန္လိုက္ေတာ့ေလ... ဘာ လုပ္ေနတာလဲ?? ေဟာၾကည့္.. ေထာပတ္နည္းေနပါတယ္ဆို... နည္းနည္းထည့္ဦး..."

မိန္းမျဖစ္သူ ေထာပတ္ထပ္ထည့္သည္...

"ေဟ့.. ေဟ့.. နည္းနည္းပဲ ထည့္လို႔ ေျပာထားတယ္ေလ... ဘာလို႔ အမ်ားႀကီးထည့္ရတာလဲ?? ေထာပတ္ေတြမ်ားလြန္းေတာ့ ကပ္ကုန္ၿပီ.. ၾကည့္စမ္း!!! သတိထား... ေဟ့ သတိထားလို႔ ငါေျပာေနတယ္ေလ...
မင္းဟာေလ... မီးဖိုေခ်ာင္ဝင္ရင္ ငါ့စကားကုိ နားကို မေထာင္ဘူး... အၿမဲတမ္းပဲ...
ေဟာေဟာ... တူးေတာ့မယ္.. ၾကက္ဥကို တဖက္လွန္ဦးေလ!!! ျမန္ျမန္ေလ.. ျမန္ျမန္!! ငါဒီေလာက္ ေျပာေနတာေတာင္ ေႏွးေနေသးတယ္... မင္းနားေလးေနသလားကြ ေဟ??
ဆားထည့္ဦးေလ... ဆား... မင္း ဆားထည့္တာ ငါမေတြ႕မိပါလား... ၾကက္ဥေၾကာ္တာ ဆားမပါမွေတာ့ ဘယ္မွာ အရသာရွိႏုိင္ပါ့မလဲ... ဆားထည့္.. ဆား........... ထည့္!!!"

မိန္းမျဖစ္သူ ေယာက်ာ္းျဖစ္သူကုိ အံ့ၾသစြာ ေငးၾကည့္ရင္း ေျပာသည္...
"ရွင္ ဒီေန႔ ဘာျဖစ္ေနသလဲ?? ရွင္က ကၽြန္မကို ၾကက္ဥေတာင္ မေၾကာ္တတ္ဘူးမ်ား မွတ္ေနသလား? ဟင္??"

ထိုအခါ ေယာက်ာ္းျဖစ္သူက ေအးေအးလူလူ ျပန္ေျပာလိုက္ သည္မွာ..
"ဘာရယ္ မဟုတ္ပါဘူး... ငါကားေမာင္းေနတုန္း ဘယ္လိုမ်ဳိး ခံစားရတယ္ဆိုတာ မင္းကို သိေစခ်င္ရံုသက္သက္ပါ... "


:D :D :D (19.4.13)