ကော်ဖီကြိုက်သူတိုင်းသိသင့်တဲ့ ကော်ဖီထဲက Caffeine ရဲ့ ကောင်းကျိုး၊ ဆိုးကျိုးများ

        ကော်ဖီမှာ ကဖင်း(Caffeine) ဓါတ်ပါတာကိုတော့ ကော်ဖီသောက်တဲ့ လူတိုင်းလိုလို သိကြပါတယ်။ Caffeine ကိုစိတ်တက်ကြွစေသောအရာ၊ အိပ်ချင်ပြေစေသောအရာ တစ်ခုအဖြစ်လူသိများကြပါတယ်။ Caffeine ပါတဲ့အစားအစာတွေ အများကြီးရှိပါတယ်။ လူသိများတဲ့အစားအစာတချို့ကိုပြောရရင်တော့ ကော်ဖီ၊ လက်ဖက်ရည်၊ ကိုကာကိုလာ(Coca cola) စသဖြင့် ရှိကြပါတယ်။

Caffeine ၏ ကောင်းသော အာနိသင်များ

        Caffeine ပါတဲ့ အစားအစာတစ်ခုခုကိုစားသောက်လိုက်ရင် လူရဲ့အူလမ်းကြောင်းကနေတဆင့် သွေးထဲကို တဖြည်းဖြည်း ဝင်ရောက်သွားပြီး နောက်ထပ် ၁နာရီအကြာမှာ Caffeine ရဲ့အာနိသင်အမြင့်ဆုံးကို ခံစားရပါတယ်။ Caffeine ဓါတ်ဟာလူကို အတန်ငယ်နိုးကြား ဖျတ်လတ်စေနိုင်ပြီး၊ နှလုံးခုန်နှုန်းကိုလည်း မြန်စေပါတယ် (ဒါကြောင့်နှလုံးရောဂါရှိသူတွေ ကော်ဖီသောက်သုံးရင် ရင်တုန်တာတို့၊ ရင်ဘတ်အောင့်တာတို့ ဖြစ်တတ်တာပါ) ။ Caffeine ဟာဦးဏှောက်ကိုလည်း အကျိုးသက်ရောက်မှုပေးပါတယ်။ အဲဒါတွေကတော့ စိတ်ဓါတ်တက်ကြွစေခြင်း၊ ပင်ပန်းမှုကိုလျော့ကျစေနိုင်ခြင်း၊ အာရုံစူးစိုက်မှု ပိုမိုအားကောင်းစေခြင်း စသည်တို့ပဲဖြစ်ပါတယ်။ ဒါ့အပြင် အသက်ရှူနှုန်းနဲ့ လူ့ခန္ဓာကိုယ်ဇီဝကမ္မဖြစ်စဉ် တို့ကိုလည်းမြန်စေပါတယ်။ ဒါကြောင့် အိပ်ခါနီးကော်ဖီသောက်ရင် အိပ်မပျော်တာတွေ ဖြစ်စေတာပါ။

Caffeine ကိုစွန့်ထုတ်ပုံ

        Caffeine ရဲ့အာနိသင်သက်ရောက်မှုနဲ့ ကြာမြင့်ချိန်ဟာ လူတစ်ဦးနဲ့တစ်ဦး အရပ်အနိမ့်အမြင့်၊ အသက်အရွယ်၊ ယောကျာ်းမိန်းမစသဖြင့် ကွဲပြားကြပါတယ်။ Caffeineကို အသည်းမှခြေဖျက်ပေးပြီး ဆီးမှတဆင့်စွန့်ထုတ်ပါတယ်။

Caffeine ၏အာနိသင် သက်ရောက်မှု

        တချို့လူတွေက Caffeine ဓါတ်ရဲ့အာနိသင်ကိုသူများထက် ပိုမိုခံစားလွယ်တဲ့ သူတွေရှိသလို၊ တချို့ကြပြန်တော့လည်း Caffeine ဓါတ်ရဲ့အာနိသင် မသက်ရောက်တော့တာတွေလည်း ရှိပါတယ်။ ဘယ်လိုလူတွေမှာ ဒီလိုအာနိသင်သက်ရောက်မှု မရှိတော့ဘူးလဲဆိုရင် တစ်နေ့ကို Caffeine ၆၀၀မီလီဂရမ်(ခန့်မှန်းချေ ကော်ဖီ ၆ ခွက်) လောက် နေ့စဉ်သောက်သုံးတဲ့သူတွေမှာ ဖြစ်နိုင်ပါတယ်။ အဲလိုလူတွေမှာ ခေါင်းမကြည်မလင်ဖြစ်ခြင်းတွေ ဖြစ်တတ်တဲ့အပြင် အခြားဆေးတွေသောက်သုံးရင် အဲ့ဒီဆေးတွေရဲ့ဘေးထွက်ဆိုးကျိုးကို ပိုမိုခံစားရစေ နိုင်ပါတယ်။ ဒါကြောင့် ကော်ဖီကိုအလွန်အကျွံသောက်သုံးရင် ကျန်းမာရေးကို ထိခိုက်လာနိုင်ပါတယ်။

တစ်နေ့ကိုကော်ဖီဘယ်လောက်ထိသောက်သုံးနိုင်မလဲ ??

        ၁၉၈၀ ခုနှစ်ကစတင်ခဲ့တဲ့ သုတေသနပြုမှုအရတော့ တစ်နေ့ကို Caffeine ၃၀၀ မီလီဂရမ် (ခန့်မှန်းချေ ကော်ဖီ ၃ ခွက်)လောက်အထိ သောက်သုံးနိုင်တယ်လို့ဆိုပါတယ်။ ဒီလောက်သောက်သုံးရင်တော့ ကျန်းမာရေးကို ထိခိုက်မှုမရှိနိုင်ဘူးလို့ ဆိုနိုင်ပါတယ်။

Caffeine ဓါတ်ပါဝင်မှုနှုန်းများ

Espresso ကော်ဖီ - ၅၀၂ မီလီဂရမ်

ရိုးရိုးကော်ဖီ         - ၈၂ မီလီဂရမ်

လက်ဖက်ရည်     - ၄၇ မီလီဂရမ်

Caffeine ဓါတ်နှင့်ကျန်းမာရေး

- Caffeine ဓါတ်ကို သင့်တင့်ယုံ ရရှိရင် အရိုးပွမှုကို အသင့်အတင့် လျော့ကျစေနိုင်ပါတယ်။

- Caffeine ဓါတ်လွန်ကဲစွာ သောက်သုံးသူ တွေမှာ ကိုယ်ဝန်ရရှိဖို့ အနှောက်အယှက် ဖြစ်စေနိုင်ပါတယ်။ ကိုယ်ဝန်ဆောင်စဉ်ကာလမှာ သင့်တင့်စွာသောက်သုံးရင် ကောင်းပေမယ့်၊ လွန်ကဲစွာသောက်သုံးရင်တော့ ကိုယ်ဝန်ပျက်ကျတာတို့၊ မွေးတဲ့ကလေး ပေါင်မပြည့်တာတို့ ဖြစ်စေနိုင်ပါတယ်။

- ဝိတ်ချလိုသူတွေအတွက်တော့ Caffeine ဓါတ်ဟာများစွာ အထောက်အကူပြုပါတယ်။ ဘာလို့လဲဆိုတော့ Caffeineဓါတ်ဟာ (Calories)ကယ်လိုရီလောင်ကျွမ်းမှုကို အားပေးတဲ့အတွက်ကြောင့်ပါပဲ။

ကဲ..ဒီလောက်ဆိုရင်တော့ တော်တော်လေးကိုစုံသလောက်ရှိသွားပါပြီ။ အခြားအချက်အလက်လေးတွေရှိပေမယ့် သိပ်အရေးမကြီးတာရယ်၊ စာများလွန်းရင်ဖတ်တဲ့သူတွေပျင်းမှာစိုးတာရယ်ကြောင့် ဒီလောက်နဲ့ပဲ ရပ်လိုက်ပါတော့မယ်။

အားလုံးရွှင်လန်းချမ်းမြေ့ကြပါစေ...

ဆားဝက်ခြံအကြောင်း သိကောင်းစရာများ

ဆားဝက်ခြံအကြောင်း သိကောင်းစရာများ

=============================

ဆားဝက်ခြံဆိုတာဘာလဲ??

----------------------------------

ဆားဝက်ခြံဆိုတာလဲ ဝက်ခြံအမျိုးအစား တစ်ခုပါပဲ။ သူကတော့ ရိုးရိုးဝက်ခြံလို ကြီးထွားလာတာတို့၊ နာကျင်တာတို့မဖြစ်စေပါဘူး။ ဆားဝက်ခြံဟာ နှာခေါင်း၊ နားရွက်၊ မေးရိုး စတဲ့နေရာများမှာ ဖြစ်ပေါ်တတ်ပါတယ်။ လူတွေတော်တော်များများထင်ကြတာကတော့ ဆားဝက်ခြံဆိုတာ အလှအပနဲ့ပဲ ဆိုင်တယ်လို့ ထင်တာပါ။ တကယ်တော့ ဒါဟာလည်းကျန်းမာရေး ပြဿနာတစ်ခုပါပဲ။

ဆားဝက်ခြံဘယ်လိုဖြစ်လာသလဲ??

--------------------------------------------

မျက်နှာပေါ်က အရေပြားမှာထောင်သောင်းချီတဲ့ အပေါက်သေးသေးလေးတွေ ရှိပါတယ်။ အဲဒီအပေါက်လေးတွေမှာ မျက်နှာကထွက်တဲ့အဆီတွေ၊ ဆဲလ်အသေတွေ၊ ဘက်တီးရီးယားပိုးတွေကထုတ်တဲ့ အရည်တွေစုပုံလာပြီး ပိတ်သွားခြင်းကနေစပါတယ်။ အမည်းရောင်ဖြစ်သွားတာကတော့ ပြင်ပမှာရှိတဲ့ အောက်ဆီဂျင်နဲ့ ထိတွေ့သွားလို့ပါပဲ။ အဲဒီလိုဖြစ်ပေါ်လာတဲ့ ဆားဝက်ခြံထဲမှာ တစ်သျှူးအသေတွေ၊ အဆီခဲတွေစုပုံနေတာပါ။

ဆားဝက်ခြံဖြစ်ပေါ်စေသော အကြောင်းများ

------------------------------------------------------

၁။ ။ ခန္ဓာကိုယ်အတွင်း ရေဓါတ်နည်းနေခြင်း။

၂။ ။ ဆဲလ်အသေများ မျက်နှာချွေးပေါက်တွင် ပိတ်ဆို့နေတတ်ခြင်း။

၃။ ။ မျက်နှာအဆီပြန်မှု များခြင်း။

၄။ ။ မျက်နှာသန့်ရှင်းမှုပြုရာတွင် အဆီများပြောင်စင်အောင်သန့်ရှင်းမှုမပြုခြင်း။

၅။ ။ အဆီပါဝင်မှုများသော မိတ်ကပ်၊ အလှပြင်ပစ္စည်းများကို အသုံးပြုခြင်း။

၆။ ။ ဝမ်းချုပ်တတ်ခြင်း။

ဆားဝက်ခြံကိုဘယ်လိုပျောက်အောင်လုပ်မလဲ??

------------------------------------------------------------

- လက်နဲ့ဆားဝက်ခြံကို ညှစ်တာမကောင်းဘူးလို့ဆိုကြပါတယ်။ ဒါပေမယ့် သာသာလေးညှစ်ရင်တော့ ဆားဝက်ခြံဖြစ်ပွားမှုကို ထိုက်သင့်သလောက် လျော့ချနိုင်တယ်လို့လည်း ဆိုပါတယ်။

- ကပ်ခွာအသုံးပြုခြင်းဟာ ဆားဝက်ခြံအတွက် ထိရောက်တဲ့ ကုသနည်းတစ်ခု ဖြစ်ပါတယ်။ ဒီနည်းက အညစ်အကြေးနဲ့ ဆဲလ်အသေတွေကို အများကြီး သန့်စင်စေလို့ပါ။

- Vitamin A ပါတဲ့ လိမ်းဆေးတွေဟာလည်း အထောက်အကူ ပြုပါတယ်။ Vitamin A ဟာ မျက်နှာအဆီပြန်မှုကို လျော့ကျစေပြီး အဆီထွက်တဲ့အပေါက်ကလေးတွေကို မပိတ်ဆို့အောင် ကာကွယ်ပေးလို့ပါပဲ။ ဒါပေမယ့် ကာလအတန်ကြာစွဲပြီး အသုံးပြုဖို့တော့ လိုပါတယ်။

- Salicyclic acid နဲ့ Glycolic acid ပါဝင်တဲ့အလှပြင် ပစ္စည်းတွေကိုသုံးရင်လည်း ဆားဝက်ခြံဖြစ်မှုကို လျော့ချနိုင်ပါတယ်။ ဒါပေမယ့် စောစောကVitamin A ပါတဲ့လိမ်းဆေးတွေ သုံးနေရင်တော့ ဒါတွေသုံးလို့မရပါဘူး။

- ရေများများသောက်ခြင်း၊ အဆီပါဝင်မှုများသော အစားအစာလျော့ချခြင်း ဟာလည်း ဆားဝက်ခြံဖြစ်ပွားမှုကို သက်သာစေနိုင်တာပါပဲ။

- ဒါကတော့ လွယ်လွယ်ကူကူ သုံးနိုင်တဲ့နည်းပါ။ ပျားရည်ပူပူနွေးနွေးလေးကို ဆားဝက်ခြံဖြစ်တဲ့ နေရာမှာလိမ်းပြီး ၁၀မိနစ်လောက် ထားလိုက်ပါ။ ပြီးမှမျက်နှာကို ဆေးကြောပေးပါ။ ဒီနည်းဟာ ဆားဝက်ခြံအတွက်သာမက မျက်နှာအသားအရည်ကိုလည်း လှပစေပါတယ်။

အားလုံးစိတ်ချမ်းမြေ့ကြပါစေ...

By Roar of a Leo Tiger !!! (10.4.2009- 5:05pm)

ဘာကြောင့် အိမ်သာမှာ ထိုင်ကမုတ်ကို သုံးသင့်သလဲ....

သူငယ်ချင်းတို့ရေ...

၁၉၀၀ ပြည့်နှစ် ဝန်းကျင်လောက်က Thomas Vills “ သောမတ်စ် ဗီးစ် ” ဆိုတဲ့ ကောင်လေးတစ်ယောက်သူအရမ်းချစ်တဲ့ သူ့အဖိုး...သူ့ရှေ့မှာ ဦးနှောက်သွေးကြောပြတ်သွားတာကို

ကြုံခဲ့ရတယ်..။

ဘာမှ မသိသေးတဲ့ ကလေးလေးဆိုပေမဲ့ သူ့အရမ်းချစ်တဲ့ အဖိုးဖြေးဖြေးလဲကျသေဆုံးသွားပုံကို

မျက်စိထဲက မထွက်ခဲ့ဘူး..။

ဒီလိုနဲ့ နှစ်ပေါင်း ၂၀ ကျော်ကြာခဲ့ပြီးတဲ့နောက်မှာ “ သောမတ်စ် ဗီးလ် ” ဟာ ဆရာဝန်ဖြစ်လာခဲ့တယ်..။

သူငယ်ငယ်ကတည်းက မျက်စိရှေ့တင် လဲကျသေဆုံးသွားတဲ့ အဖိုးအဖြစ်ကို ဘာကြောင့် ဦးနှောက်သွေးကြောပြတ်ရတာလဲ လို့ သူ့လေ့လာခဲ့တယ်..။

မလေ့လာရင်သာနေမယ်..လေ့လာရင် အရာရာ သိလာရတာပါပဲ..။

ဘာကြောင့်လို့ထင်ပါသလဲ သူငယ်ချင်း.....။

တစ်ခါတစ်လေ ကြီးမားတဲ့ အပြောင်းအလဲတွေဟာ မထင်မှတ်တဲ့ နေရာတွေက အစပြုတတ်ပါတယ်..။

မြန်မာနိုင်ငံမှာ ဦးနှောက်သွေးကြောပြတ်ပြီးခဲ့ရတဲ့ လူတွေ အများကြီးပါ..။

သူတို့ဟာ အဓိကအားဖြင့် ဘယ်လိုအခြေအနေမျိုးမှာ ဖြစ်တတ်ပါသလဲ..။

“ အလွန်ဒေါသထွက် ၊ ရန်ဖြစ်နေချိန်ကလွဲလို့ ဦးနှောက်သွေးကြောပြတ်

သေဆုံးသူအများစုဟာ အိမ်သာက အထွက်မှာ မူးပြီးလဲကျ ဦးနှောက်သွေးကြောပြတ်တယ်..

လို့တွေ့ရမှာပါ.။ ဒီလိုပါပဲ...သောမတ်စ်ဗီးလ် လဲတွေ့ရှိခဲ့တယ်..။ ”

သူ့အဖိုးကလဲ အိမ်သာက အထွက်မှာလဲကျ သေဆုံးသွားခဲ့တာလေ..။

သူ သေသေချာချာ လေ့လာတော့ ရိုးရိုးအိမ်သာခွက်(ဆောင့်ကြောင့်ထိုင်ခွက်)မှာ ထိုင်ပြီး

အိမ်သာတတ်သူဟာ ဒူးက ၁၅၀ ဒီဂရီကျော် ကွေးပြီး ထိုင်ရုံသာမက လူဝိတ်ကပါ ဖိမိထားတော့

ခန္ဓာကိုယ်က သွေးကြောတွေ ပိတ်မိနေတယ်..။

ဒီအချိန်မှာ အိမ်သာတတ်ပြီးလို့ ရုတ်တရက်ထလိုက်တော့ ကွေးနေတဲ့ ဒူးဟာ..

ရုတ်တရက်သွေးကြောကို ဖွင့်ပေးလိုက်သလို ဖြစ်ပြီး ဦးနှောက်သွေးကြောကိုဆောင့်တိုးစေတယ်..။

လူငယ်တွေမှာ ခံနိုင်ရည်ရှိပေမဲ့ လူကြီးတွေကျတော့ ခံနိုင်ရည်အားကျနေပြီလေ.။

ဒါကြောင့် အိမ်သာက အထွက်မှာ လူတွေ ဦးနှောက်သွေးကြောပြတ်တာလို့...သူတင်ပြတယ်..။

ဒါနဲ့ လေ့လာတွေ့ရှိမှု နောက်ဆက်တွဲ အဖြစ်နဲ့ ရိုးရိုး အိမ်သာခွက်တွေ အစား

ထိုင်ကမုတ်ခွက် တွေကို ပြောင်းသုံးဖို့ သူတီထွင်ခဲ့တယ်..။

ထိုင်ကမုတ်ခွက် တွေ အပြောင်းအလဲရဲ့ အကျိုးသက်ရောက်မှုကလဲ အံ့သြစရာကောင်းပါတယ်..။

၇၀ % သော လူတွေ ဦးနှောက်သွေးကြောပြတ်မှုကို ကာကွယ်နိုင်ခဲ့တယ်..။

ပြင်သစ် ၊ ဆွီဒင် ၊ ဂျာမနီ ၊ အမေရိကန် ၊ဟော်လန် နိုင်ငံတွေမှာ ထိုင်ကမုတ်ခွက်

သုံးပြီးကတည်းက ဦးနှောက်သွေးကြောပြတ်သူ ၈၅ % လျော့ချနိုင်ခဲ့တယ်..။

အင်္ဂလန်အပါအဝင် တခြားနိုင်ငံတွေမှာ ၇၀ % လျော့ချနိုင်ခဲ့တယ်..။

ဖွံဖြိုးပြီး အာရှနိုင်ငံများမှာ ၆၀ % ကျော်လျော့ချနိုင်ခဲ့တယ်..။

အာဖရိကတိုက်မှာတော့ ဦးနှောက်သွေးကြောပြတ်သူ တဖုတ်ဖုတ်ပါပဲ..။

မြန်မာနိုင်ငံမှာရော..............................?????????????????????

ကဲ...သူငယ်ချင်းတို့ရေ...

မသိခင်ကတော့ ထားပါတော့....သိပြီးမှတော့ ကျွန်တော်တို့တွေ ထိုင်ကမုတ်ခွက် ကိုပြောင်း

မသုံးသင့်ဘူးလားဗျာ...။

..................................................................................................................................

ပြင်သစ်ဆရာဝန် Thomas Vills ရဲ့ Bad Dream ဆိုတဲ့ အင်တာဗျူးကို

zaw357@gmail.com ဘာသာပြန်သည်..။