မျက်ကွင်းဘာကြောင့်ညိုရသလဲဆိုရင် ကျွန်တော်တို့မျက်စိအနီးတဝိုက်မှာရှိတဲ့ အရေပြားဟာအလွန်ကိုပါးလွှာပြီး၊ နေရောင်ခြည်နဲ့လေတို့တိုက်ခတ်မှုဒဏ်ကို အလွယ်တကူ ခံစားရနိုင်တာကြောင့်ပဲ ဖြစ်ပါတယ်။
မျက်ကွင်းညိုရခြင်းရဲ့ အဓိကအကြောင်းအရင်းများကတော့-
- အိပ်ရေးပျက်ခြင်း၊
- အစာအာဟာရကိုမျှတစွာ မစားသုံးခြင်း၊ (တနည်း။ ။အစားရွေးခြင်း)
- နောက်တစ်ခုကတော့ ကွန်ပြူတာကိုအချိန်ကြာမြင့်စွာ အသုံးပြုခြင်း တို့ပဲဖြစ်ပါတယ်။
အလှကုန်ပစ္စည်းတွေမှာ ဒီလိုမျက်ကွင်းညိုတာကိုပျောက်စေတဲ့ ပစ္စည်းတွေရှိပေမယ့် အဲလိုမဖြစ်အောင်ကာကွယ်ဖို့ အဓိကလုပ်သင့်တာတွေကတော့ -
- အိပ်ရေးဝအောင်အိပ်ပါ။
- အစာအာဟာကိုမျှတအောင်စားပေးပါ။ (အစိမ်းရင့်ရောင်ရှိအသီးအရွက်၊ အသား၊ ငါး၊ နွားနို့၊ ပဲ စသည်များ)
- ရေများများသောက်ပေးပါ။
- ကွန်ပြူတာကို ကြာမြင့်စွာအသုံးပြုတတ်သူဆိုရင် တောက်လျှောက်မကြည့်ဘဲ မျက်စိကို ၁နာရီတစ်ခါလောက် အနားပေးပါ။
Dr ကျော်စွာသက်
No comments:
Post a Comment